काठमाडौँ । निर्वाचन आयोगले नेकपा एमालेबाट निर्वाचित भएर पछि दल परिवर्तन गरेका आठ जना वडाध्यक्षहरूको पद रिक्त भएको घोषणा गरेको छ।
आयोगले बुधबार सूचना जारी गर्दै २०७९ सालको स्थानीय तह निर्वाचनमा एमालेको तर्फबाट निर्वाचित भई हाल अन्य राजनीतिक दलमा आबद्ध भएका जनप्रतिनिधिहरूको पद स्वतः रिक्त भएको जानकारी दिएको हो।
राजनीतिक दल सम्बन्धी कानुनी व्यवस्थाअनुसार निर्वाचित जनप्रतिनिधिले दल त्याग गरी अर्को दलमा प्रवेश गरेमा उनको पद स्वतः रिक्त हुने व्यवस्था रहेको छ। सोही प्रावधानअनुसार आयोगले सम्बन्धित वडाध्यक्षहरूको पद रिक्त भएको औपचारिक घोषणा गरेको जनाएको छ।
आयोगले रिक्त भएका पदहरूबारे आवश्यक कानुनी प्रक्रिया अघि बढाइने पनि जनाएको छ।
प्रकाशित: बुधबार, जेठ २७, २०८३
सम्बन्धित खवर
